Actividade 52: As extincións.

 - Das distintas extincións que se produciron na historia da Terra indica: cando sucedeu cada unha, a que foi debida, 1 ou 2 exemplos de especies que desaparecerón e, se atopas, que porcentaxe de especies se extinguiron. 

 1. Extinción do  Ordovícico

Cando: fai uns 445 millóns de anos

Desaparición de especies: 60-70%

Causa probable: período glaciar curto pero intenso

Neste período, a vida achábase principalmente nos océanos. Os expertos estiman que a formación rápida de glaciares conxelou a maior parte da auga do planeta, provocando a caída do nivel do mar. Os organismos mariños como as esponxas e as algas foron as principais afectadas, así como os moluscos, cefalópodos primitivos e peces sen mandíbula chamados  ostracodermos.

 

 2. Extinción do  Devónico

Cando: fai entre 360 e 375 millóns de anos

Desaparicións de especies: ata 75%

Causa probable: esgotamento do osíxeno nos océanos

Os organismos mariños volven ser os máis afectados. A  fluctuación do nivel dos océanos, o cambio do clima ou o impacto dun asteroide son considerados como posibles responsables. Unha das teorías estima que a proliferación de vexetais terrestres conduciría a unha  anoxia (falta de osíxeno) nas augas de superficie. Os  trilobites,  artrópodos do fondo dos océanos, serían as principais vítimas.